SKorea-in 'Comfort Women' Foundation titawp

South Korea chuan Japan sum hmanga indo laia Japan sipaiten Korean hmeichhia an khawihchhiat leh nawhchizuar tura an tihluihte ṭanpuina tura 'Comfort Women' Foundation din chu tihtawp a nih thu nimin khan a sawi.

Indopui II-na hunlai khan Japan sipaite chuan Korean hmeichhe tam tak chu mipat hmeichhiatna an hman luihpui ṭhin a, heng hmeichhiate hi 'comfort women' tia sawi an ni ṭhin. He thil thleng vang hian South Korea leh Japan inkar boruak pawh a chhiat zui phah hle a ni.

Kum 2015-a ram pahnihten inremna an siam angin comfort women-te ṭanpuina tur foundation hi din a ni a, hemi atan hian Japan chuan US dollar maktaduai 8.8 a pe a, SKorea pawhin hemi chungchang hi sawichhuah tawh loh a remti bawk. He inremna hi SKorea President hlui Park Gyuen-hye hunlaia siam a ni. Mahse he inremna siam hian a tuartu mi ṭhenkhatte a ti thinur hle a, Japan chuan indo laia Korean hmeichhe tam tak a tinawmnah chungchanga a mawhphurhnate hlih sakna angah an ngai a ni.

Park-i thlaktu, SKorea president nilai Moon Jae-in chuan he inremna siam hi na takin a lo sawisel tawh bawk a, kumin kumtir khan foundation atana Japan in pawisa a pek pawh pekkir leh alo tiam tawh bawk.