Guatemala sipai hlui kum 5,000 chuang tang turin hrem

Guatemala court chuan sipai hlui, Santos Lopez chu an ram tualchhung indona thlen laia mi tam tak suata puhna thubuaiah kum 5,160 tang turin a hrem.

Court hian Santos Lopez chu mi 171 thahnaah mipkaht thihnaah kum 30 zel tang turin a hrem a, a hremna hi a vaiin kum 1,130 a ni. Hei bakah hian naupang pakhat thahna thubuaiah kum 30 tang tura hremna pekbelh a ni bawk. Hetihlai hian Guatemala-ah damchhung tang tura hremna hi kum 50 chin a ni.

Lopez in US-in training a pek, counterinsurgency force member a ni. US-ah man niin, kum 2016 khan Guatelama-ah hian thawn a ni. A thubuai chhuinaah Lopez hi kum 1982-a Mexico ramri, Dos Erres-ah mi tam tak suattu patrol zingah a tel a ni. Sipaite hian helhoin sipai ambush a, mi 19 an kahhlum avanga phuba lakna atan leh, sipai 20 an laksakte lakkir leh nan he insuatna rapthlak tak hi an thlentir a ni.