California ram kanga thi mi 83 tling tawh

US-a California state-a ram kang vanga thi chu mi 83 an tling tawh a, Paradise khuaah chenna in 13,000 chuang a chhe tawh bawk.

Fire official-te chuan Nilaini khan ram kang zinga pakhat, Woolsey Fire chu ṭhelh mih a ni tawh tih an sawi. November 8 aṭanga ram kang hi thli tleh avangin a kangkai chak hle a, Malibu-a Thousand Oaks aṭangin Los Angeles khawthlang lam a kang thleng tawh a ni.

California sheriff chuan Nilaini khan kangmei chhuak vanga thi, mi pahnih ruang hmuhbelh an nih thu sawiin, heng mite nen hian ram kang vanga thi hi mi 83 an tling tawh tih a sawi. Butte Counte Sheriff Kory Hone chuan chin hriat lohin mi 560 an la awm mek tih a sawi bawk.