Pakistan mosque-ah bomb puak

Pakistan-a Balochistan province-a Chaman area-ah Nilaini khan mosque-ah bomb a puak a, mi pasarihin hliam an tuar.

Mosque-a tlai lam ṭawngṭaina hun hman laiin bomb hi tihpuah a ni a, ṭawngṭai inkhawm hruaitu pawh hliam tuar zingah hian an tel. Bomb puahna hi Afghanistan ramri bul, Chaman-a Taj Road-a awm a ni. Hliam tuarte hi damdawi-in panpui nghal an ni a, state of emergency puan zui a ni bawk.

He pawikhawihna thleng hi eng pawl mahin an tih niin an la chhal lo.

Chaman hi Afgha-nistan-a Kandahar province nena inri a nih avangin sensitive town-ah ngaih a ni. Nilaini khan Prophet Mohammad-a pian cham lawmna, Eid Milad-un Nabi hman a nih avangin ramchhungah pawh pawikhawihna a thlen venthawn thilah venhimna pawh khauh taka kalpui a ni. Khawpui lian zualah te chuan mobile phone service tihtawp a ni.