US President-in US-Mexico ramri kharah a vau nawn leh

US President Donald Trump chuan US leh Mexico inri-na chu hun eng emaw chenah kharah a vau nawn leh.

Florida-a chanchinthar lakhawmtute a kawmnaah, President Trump chuan central America ṭanga US-a pemluh tuma a ruala kalten US an hnaih zel thu leh, ramri bula Tijuana khua an thlen tawh thu sawiin, hetihlai hian dan loa an rama luh tumte danna tura an thawhpui ten hna an thawh theih loh avangin ramri hi khar mai a ṭul dawn niin a sawi.

President Trump chuan dan loa ramri kan tumte danna tur hian November 6-a midterm election an neih hma khan ramri-ah sipai eng emaw zat a tirh belh thu leh, a ṭul anga che tura a tih thu pawh a sawi bawk.

Hetihlai hian US federal judge chuan President Trump-a kaihhruai sorkarin Central America aṭanga US-a pem luh tumten inhumhimna an dilna hnawlsak tura a lo tih tawh chu a dan sak thung. November 9 khan US sorkar chuan an ram chhim lam ramri aṭanga pem luh tumte chu tumah dan anga awm phalsak theih an ni dawn lo tih a lo sawi tawh a ni.