South Korea-in ui talhna in lian ber a khar

South Korea official-te chuan an ram chhunga ui talhna hmun lian ber chu an khar ṭan ta.

Seoul chhim lam, Seongnam cit-a Taepyeong-dong complex chu ni hnih thum hnuah khar vek hman beisei a ni a, he hmun hi public park-ah siam a ni tawh dawn a ni.

South Korea-ah hian uisa hi an ei uar thei hle a, kumtinin ei tur ui maktaduai khat vel talh ṭhin an ni. Mahse tunhnaiah uisa chungchanga mipui ngaihdan a inthlak chho a, activist-te pawhin uisa duh lohna an lo lantir fo tawh ṭhin a ni.

Korean Animal Rights Advocats (KARA) chuan Taepyeong-dong complex khar a ni ta chu lawmawm an tih thu thuchhuah siamin an sawi a, ramchhung hmun danga ui talhna hmun dangte pawh khar chhunzawm a nih an beisei thu an sawi.

Taepyeong-dong complex hi South Korea ram chhunga restaurant hrang hrangten uisa an lakna hmun pawimawh tak a ni a, complex-ah hian ui talhna in paruk awmin, talh turin ui za tel an awm reng a ni.

Human Society International (HSI) chuan he complex chhunga thil thleng ṭhin chu a rapthlak hle tih sawiin, ui tihhlumna atana hmanrua an hmante pawh an hmuh thu an sawi. He hmu hi Seongnam khaw hmel tibaltu a ni tih sawiin, khar a ni tur chu lawmawm an tih thu an sawi. He thil hian Korean society-ah dog meat industry ten lawm an hlawh tawh lo chho zel tih chiang takin a tilang a ni, a ti.

South Korea-ah hian kumtin nipui laiin ni thum awh special festival neih ṭhin niin, he hunah hian uisa siam a ni ṭhin. Mahse Korean mipui zingah uisa aia samgyetang (chicken soup) siam duhtu an pung chho zel a ni. Ram chhunga uisa siamna restaurant pawh a tlahniam zel a, Seoul khawpuiah pawh uisa siamna restaurant 1,500 vel awm ṭhin chu kum 2015 khan 700-ah a tlahniam tawh a ni.