Kum 20 chhunga a ṭum khat nan Beijing mipui zat tlahniam

China khawpui, Beijing-a mihring awm zat chu kum 2017 khan kum sawmhnih chhunga a ṭum khatna atan an tlahniam.

Official date tihchhuahah kum 2017 khan Beijing-a awm nghet zat hi mi maktaduai 21.07 an ni a, a kum hmasa aiin 22,000 in an tlem zawk a ni. Khawpui chhunga urban district paruk-a mihring awm zat chu kum 2016 aiin 2017 -ah 3% in an tlem a ni.

Beijing thuneitute chuan khawpui chhunga mihring pung chak lutuk venna atan kawng hrang hrangin hma an la a, mihring pung chak avangin resource lam indaihna a nasat zel bakah in man thlengin a pung chak hle a ni. Kum 1998 aṭang khan Beijing khawpuia cheng zat hi an pung chho zel a, khawpuiin energy a mamawh zat pawh a leta pungin, motor awm zat pawh a let thumin a pung bawk. Kum 2016 khan mihring awm zat hi maktaduai 23 chin bakah a pelh lohna turin hma an la dawn tih an sawi.

China ram khawpui lian, Beijing leh Shanghai-ahte mihring pung chak lutuk danna turin theihtawp chhuah mah se, China ram pumah erawh nau piang zat an pun theihna turin hma lak a ni thung. Kum 2017 khan China ram pumah nau piang zat hi a kum hmasa lam aiin a tlahniam hle a, kuminah pawh a la tlakhniam belh rin a ni. Hetihlai hian kum upa lam erawh an pung thung a, kum 2035 chuan kum 60 chunglam hi mi maktaduai 400 vel an awm tlin rin a ni.