China-ah mi 132 chuanna thlawhtheihna a tla

China Eastern Airlines passenger jet, mi 132 chuanna chu China chhim lam, Guangxi region-a Wuzhou khaw bulah nimin khan a tla a, a tlakna hmun tlang chu a kang zui tih Civil Aviation Administration of China (CAAC) chuan a sawi.

Boeing 737-800NG hi nimina an ram hunm, chawhnu dar 1.11 khan Kunming aṭangin Guangzhou panin a thlawk chhuak a, chawhnu dar 3.05-ah a ṭum hmun thleng tura beisei a nih laiin flight tracking hi chawhnu 2.22 aṭang khan an chhui zui thei tawh lo a ni.

China rama airline industry hi khawvel huap pawha safety record nei ṭha ber an ni. Aviation Safety Network tarlan danin, China-a thlawhtheihna chetsualna rapthlak ber chu kum 2010-a Yichun airport a pan laia Henan Airlines thlawhtheihnaa tlaa a chuang mi 96 zinga mi 44 an thih ṭum kha a ni.