Taiwan president DPP hotu aṭangin bang

Taipei, Taiwan-a local election-ah an chak zawh loh avangin Taiwan President Tsai Ing-wen-i chu rorellai party, Democratic Progressive Party (DPP) chairwoman a nihna aṭangin a bang.

Kar kalta Inrinni-a mayor thlanna neih takah China lak aṭanga inlakhran thlawptu, DPP hian hnehna a chang zo lo a ni. He inthlan hian nakkuma Taiwan president thlanna neih turah pawh nghawng a neih rin. Inlakhran duhtu lam an chak zo lo hian China pawh a tihlawm hle rin a ni. China hian Taiwan hi a ram chin niin a chhal a, kum 2016-a President Tsai-in thuneihna a chan hnuah pawh a kaihhruai sorkar hi a nawr reng a ni.

President Tsai-i kaihhruai sorkar chuan China chuan voter-te chu thu dik tawk lo hmang leh, tihluihna hmangin an vote lakpen sak a tum tih a sawi a, mahse hei hi China chuan a pha thung.

DPP hian Taiwan-a mihring tamna ber dawttu khawpui, Taichung leh chhim lama Koahsiung-a mayor thlannaah kum 20 dawn thuneihna a lo chan tawh chu a hum zo lo a ni. Heng hmunah hian China thlawptu, Kuomintang lam an chak thung.