US dodal tura Muslim-te inthurual turin sawm

Iran President Hassan Rouhani chuan khawvel ram hrang hranga Muslim-te chu US dodal tura inlungrual turin a sawm a, Saudi Arabia mite pawh an unaute vek an ni tih sawiin Iran lakah engmah hlauh tur an nei lo a ni, a ti.

Tehran-a Islamic unity conference neihnaa thu a sawiah, Rouhani chuan US chuan Middle East chu a thuhnuaia dah a, sal-ah siam a tum a ni, a ti. Hei vang hian Muslim sorkarte chuan hetianga an chunga thilsualtitu hi lawm taka lo dawngsawng lo a, Middle East-a natna hlauhawm tak thlentu US dodal tura lungrual taka an thawhho a ngai a ni tiin a sawi.

Rouhani chuan Saudi Arabia pawh US sipaite puihna laka innghat tawh lo turin a ti bawk. Firfiakte laka Saudi mite humhim tur chuan an inpeih reng tih a sawi a ni.