California ram kang thunun thei tawh
US-a California state-a ram kang nasa tak chu kar hnih hnuah thunun a ni thei ta niin thuneitute chuan an sawi.
November 8 aṭanga ram kang nasa tak chhuak, Camp Fire vang hian mi 87 in nunna an chan a, chin hriat lohin mi 249 an awm mek bawk.
State fire authority, Cal Fire chuan Camp Fire hi 100% thunun a ni tawh tih a sawi a, kangmei chhuak vanga thi zinga mi 54 chauh chu tunge an ni tih finfiah theih a la ni tih a sawi bawk.
Ram kang hian ram acre 153,336-a zau a kangchhia a, chenna in leh infrastructure 14,000 dawn a kangchhe tel bawk a ni. Ruahsur vangin ram kang ṭhelh hna pawh an thawh chak theih phah a, mahse hei hian ruang zawn hna erawh a tihhautak phah hle thung.