Gas hmanga beihnaah mi 100 chuang hliam

Syria sorkar chuan Aleppo khua chu kar kalta Inrinni zan khan helhoin gas hlauhawm, chlorine gas hmangin an bei a, hei vang hian mi 100 chuangin hliam an tuar niin a sawi.

Monitoring group chuan Aleppo khua gas hmanga beih vang hian mi ṭhenkahat chuan thawk lamah harsatna an tawh phah niin a sawi a, an mit a sen bakah khawsik leh nikhaw hrelo ten an awm a, an zingah hian naupang pawh eng emaw zat an tel a ni, a ti. Syria foreign ministry chuan UN Security Council hnenah he thil thleng a demna thu sawi tur leh, pawikhawihtute hrem ngei turin a phut a ni.

Hetihlai hian helpawlte chuan chemical ralthuam an hmang lo tih sawiin, Syria sorkar chu dawt sawiah an puh.