Johnson & Johnson US dollar mtd 343.99 chawi turin ti

California-a San Diego Superior Court Judge Eddie Sturgeon chuan American multi­national corporation Johnson & Johnson chu US dollar maktaduai 343.99 chawi turin a ti.

Johnson & Johnson company-te pawisa chawi tura tih an nihna chhan hi hmeichhe tana an thil zawrh 'pelvic mesh product' chungchanga information dik tawk lo an pekchhuah vang a ni. Hemi chungchang hi damlo leh doctor-te an hriattir loh avangin company lakah hian, kum 2016 khan California Department of Justice chuan thubuai a siamsak a ni. Hun rei tak thubuai ngaihtuah a nih hnuah California court chuan  Ningani khan pawisa chawi turin a ti ta a ni.  California Attorney General chuan Johnson & Johnson te laka thubuai siam leh thil dik lo an tih hi a vawikhatna a nih thu a tarlang.

Kum 2008-14 inkar khan US-ah Johnson & Johnson chuan pelvic mesh product hi 470,000 vel an hralh chhuak a, heng zinga 30,000 chuang hi California bikah hralh a ni. 

Hmeichhia maktaduai 2 velin an hmang nia sawi a ni bawk.