Bangladesh PM hlui inthlanpuia chuh phalsak lo

Bangladesh Attorney General Mahbubey Alam chuan jail-a tang mek, an ram prime minister hlui Khaleda Zia-i chu an ram inthlanpui neih turah a chuh ve phalsak a ni lo tih a sawi.

High Court thupekin eiruk thubuaia thiam loh chantir, kum hnih chin chunglam tang tura hremna peke chu inthlana an chuh ve phalsak a ni lo tih a sawi hnuah, Alam hian Zia-i pawh hian inthlan hi a chuh ve thei dawn lo tih hi a puang a ni. Bangladesh inthlanpui hi December 30 hian neih a ni ang.

October 30 khan Dhaka court chuan Zia Orphanage Trust eiruk thubuaiah Zia-i hnena kum nga tang tura hremna a lo pek tawh chu kum 10-ah a pawhsei a ni. Bangladesh Nationalist Party chairperson, Zia-i hi kumin February thla khan ram dang aṭanga fahrah enkawlna tura ṭanpuina sum pek tichiengpena puh niin thiam loh chantir a lo ni tawh a ni.

Prosecutor-te chuan Zia Orphanage Trust leh Zia Charitable Trust-te hi Khaleda Zia-i pasal thi tawh, Bangladesh president hlui Zia ur Rahman hming chawia din a ni a, mahse a taka awm loin a hming chauh hi a awm niin an sawi.