Slovenia sipai hotu lu ber atan hmeichhia ruat

NATO ram zinga mi, Slovenia chuan an ram armed forces hotu lu ber atan Major General Alenka Emrenc a ruat a, NATO ram hmeichhiate zingah sipai hotu lu ber ni thei hmasa ber a ni.

Kum 55 mi, Maj Gen Alenka Ermence hian nimin aṭangin a hna thar hi zawm nghal a ni. Kum 1991 aṭangin Slovenian army a zawm ṭan a, army deupty chief of staff nilai a ni. President Borut Pahor chuan Ermence-i hnuaiah an ram sipaite chuan hma an sawn ngei a rin thu a sawi.

Maj Gen Ermenc hi London-a Royal College of Defence Studies aṭangin a graduate a, London veka King's College University aṭangin International Studies-ah master degree a zo leh bawk. Kumin February thla aṭanga sipai hotu lu ber dinhmun chelhtu, Maj Gen Alan Geder a thlak a ni.

Slovenia hian sipai 7,500 a nei a ni.