IS-in rocket hmangin Kabul khawpui kap

Afghanistan khawpui, Kabul chu kar liam ta Inrinni khan rocket hmangin ṭum eng emaw zat kah a ni a, mi pariat an thi a, mi dang 31 in hliam an tuar. 

Islamic State (IS) firfiak pawl chuan Kabul beitu an nih thu hi nimin khan an sawi a, Katyusha rocket 28 hmangin khawpui chhung an beihnaah sipaiten uluk taka an ven, Green Zone chu an kap fuh tel tih an sawi. Green zone chhungah hian presidential palace, ram dang embassy te leh Afghanistan force headquarters a awm a ni. 

Afghanistan ramah hian tun hnaiah IS firfiakte hian pawi­khawihna lian tak tak an thlen fo a, hetihlai hian sorkar nena inremna zawnga inbiakna nei mek, Taliban pawhin Afghan sipaite an la bei fo bawk a ni. 

US secretary of state Mike Pom­peo chuan Inrinni khan Afghanistan sorkar leh Taliban aiawhte chu Doha-ah a hmu a, inbiakna hlawhtling tak an neih theih thuai a beisei thu leh, hemi kawnga an puih theih dan turte a zawt.