Argentina-ah G20 Summit nei

Khawvel ram economy lian, Group of Twenty (G20) Summit chu nimin khan Buenos Aries, Argentina-ah ṭan a ni a, vawiin hian chhunzawm a ni ang.

Kumin hi G20 summit vawi 13-na a ni a, South America ramin a thlen ṭum khatna a ni bawk. Summit ṭan hma ni, Ningani khan finance ministers meet neih a ni bawk.

G20 hi kum 1999 a policy leh financial stability chungchang sawihona tura din a ni. He group-ah hian khawvel-a economy lian ber 19 - Argentina, Australia, Brazil, Canada, China, France, Germany, India, Indonesia, Italy, Japan, Mexico, Russia, Saudi Arabia, South Africa, South Korea, Turkey, UK, US bakah European Union te an tel a ni. G20 member ramte hi GDP hi khawvel pum GDP aṭanga 85% a tling a, khawvel puma mihring hmun thuma ṭhena hmu hnih chu G20 member rama cheng an ni bawk.

Summit hmang tur hian member ram hruaitu hrang hrangte chuan Ningani khan Argetina hi an thleng a, hetihlai hian Germany Chancellor Angela Merkel-i chu a chuanna thlawhtheihna khawl lam a chian loh avangin Cologne-ah ṭum tir a ni a, summit hawnna inkhawm a nang hman lo a ni.

Kumin summit-ah hian khawvel huapa insumdawn tawnna chungchang chu an khel ber tura rin a ni a, tunhnaiah US leh China insumdawn tawnna chungchanga harsatna awmte pawh an sawiho tur langsar zinga ngaih a ni.