Australia-ah zirlaiten kawng zawh

Australia zirlaite chuan sik leh sa inthlak danglam chak lutuk veng tura nasa zawka hma la tura sorkar phutin nimin khan kawng an zawh.

Zirlaite chuan Australia sorkar climate policy te chu a ṭha tawk lo nia an ngaih thu an tarlang a ni.

Hetihlai hian Prime Minister Scott Morrison chuan a hmain zirlaiten an class kalsana kawngzawh an huaihawt tum hi a lo sawisel tawh a, a kaihhruai sorkar chuan climate change veng tur hian theihtawp a chhuah thu a sawi.

Mahse zirlaite chuan PM thusawi hian an nawrh huaihawt tumah an tum a tihruh phah zawk niin an sawi a, politician-te thutlukna dik lo siam ṭhin chu a tuartu an ni ṭhin tih an sawi.

Australia hian Paris climate agreement hnuaiah kum 2030-ah emission chu 26-28% a tihniam a lo remti tawh a ni. Hetihlai hian tunkar tir lam khan UN chuan Australia leh ram dang eng emaw zatin emission tihtlem tuma an intiamna hi a takin an la kalpui lo niin a tarlang.