Paris-ah fuel tax sang duh lohna lantir

France khawpui, Paris-ah kar katla Inrinni khan fuel-a chhiah lak zat tihsan duh lohna lantir a ni a, nawrh huaihawtnaa buaina chhuak vangin mi 100 chuangin hliam an tuar.

Nawrh huaihawtte hian fuel-a tax lak sang zel avanga an lungawi loh thu sawiin, Paris-a Arc de Triomphe bulah an pungkhawm a, bawlhhlawhte an hal zui a ni. Kalkhawmte hian dawr ṭhenkhatte rawkin police officer-te chu lungin an tawng zui bawk. Police-te nen hian an innawr buai zui a ni.

Police-te chuan buaina chhuakah hian mi 100 chuangin hliam an tuar a, an zingah hian police officer 20 an tel niin an sawi. Mi 224 man an ni bawk. Nawrh huaihawt vang hian Paris khawpuiah venhim hna thawk turin police 5,000 zet dah an ni.