US-in Ukraine tan USD mtd 500 a pe dawn : Biden

U.S. president Joe Biden chuan Nilaini khan Ukraine president Volodymyr Zelensky hnenah United States-in an ram ṭanpuina atan "direct budgetary aid" kaltlangin USD maktaduai 500 a pe dawn tih a hrilh tiin White House chuan a puang.

White House chuan ram pahnih President-te hi telephone-a inbiain darkar khat vel zet an inkawm a, President Biden hian Ukraine sorkar tana ṭanpuina tur, USD mtd 500 a pek tur thu hi a hrilh a ni, a ti.

"Ram hruaitu pahnihte hian Ukraine-in security lama puihna tura dilte US-in a tihhlawhtlin theih dan tur te, heng ralthuamte hi indona thleng meka nghawng an neih dan tur te bakah, US leh a thurualpui ramten Ukraine sipaiten an ram an venhimna kawnga thuam chak tura tih theih an neihte an sawidun a ni," tiin White House chuan a tarlang.

President Zelenskyy pawhin a twitter-ah President Biden nena an inkawm thu hi tarlangin, "Indona thlen dan kimchang takin kan sawidun a ni. Venhimna kawnga hmalakdan tur chungchang te, hrekna siam belh dan te, macro-financial bakah chhawmdawl hna kalpui dante kan sawidun a ni," a ti.