Sri Lanka-in street light ti thim dawn

Sri Lanka economy chuan chhiat lam a la pan zel a, electricity indaih lohna nasa tak an tawh mek avangin street light-te pawh an ti thim tawh dawn tih nimin khan power minister Pavithra Wanniarachchi chuan a sawi.

Sorkarin fuel leina tur sum a nei mumal tawh lo a, hei vang hian power renchemna atan ni khatah darkar 13-te tih thim a ni. Nimin khan official-te pawh street light-te ti thim vek tawh turin hriattir an ni.

Hetih lai hian USD 500 man diesel phurtu lawng chuan Inrinni hian Sri Lanka hi a thlen hman beisei a ni a, mahse hei hian power lam an harsatna tawh mek chu a la tiziaawm pha dawn lo tih minister chuan a sawi. "Load shedding hun a titawi deuh hlek chauh ang. May thla vela ruahtui kan dawn hma chuan power cut chu kan la chhunzawm zel a ngai dawn a ni," a ti.