France President-in Nawrh huaihawtte be turin PM hriattir

France Presient Emma-nuel Macron chuan fuel-a chhiah lak tihsan leh thil man sang zel duh lohna lantira nawrh huaihawt, 'yellow vest' tia sawite chu inbiakna neihpui turin Prime Minister Édouard Philippe a hriattir.

Yellow vest movement hi November 17 aṭang khan kalpui ṭan a ni a, kar kalta Inrinni khan yellow vest-te hian France ramchhung hmun hrang hrangah nawrh an huaihawt a, police-te nen innawr buaiin mi eng emaw zatin hliam an tuar a ni. Hei bakah hian nawrh huaihawtte hian motor te halin dawr ṭhenkhat an rawk zui bawk.

Nawrh huaihawtte tharum thawhna thleng vang hian President Macron pawhin state of emergency puan tur leh tur loh chungchang a ngaihtuah mek nia sawi a ni bawk.

Pathianni khan Presi-dent Macron ho hian emergency meeting neih a ni a, he hunah hian PM Édouard Philippe leh interior minister Christophe Castaner te pawh an tel.