Israel police-ten PM lakah eiruk thubuai siam rawt

Israel police-te chuan an ram Prime Minister Benjamin Netanyahu lakah telecom giant, Bezeq telecom company kaihhnawih thilah eiruk thubuai siamsak an rawt.

Police-te chuan PM Netanyahu leh a nupui Sara te hi thamna dawng leh an thuneihna dik lo taka hmanga puh theihna tur finfiahna ṭha tak an nei niin an sawi.

Bezeq news website-in PM chungchang a ṭha lam zawnga a tihchhuah avangin PM te nupa hi Bezeq telecom company ten dollar maktaduai za tel hlawkna an hmuh theihna tura duhsakna lantira puh an ni. Police-te chuan Netanyahu hi thubuai dang pahnih, billionare hnen aṭanga thamna dawnga puh leh a hmalakna chungchang media cover tir tura puhna chungchanga eiruk thubuai siamsak an lo rawt tawh bawk a ni.

Hetihlai hian prime minister chuan an puhna hi thu dik lo niin a sawi thung.

Israel attorney-general chuan PM hi thubuai siamsak a nih dawn leh dawn loh chungchangah thutlukna a siam ang.