Mexico-ah cocaine ton 1.4 man

Mexico sipai leh police-te chuan Thawhṭanni khan an ram chhimchhak lam, Quintana Roo state-a airport-ah thlawhtheihna aṭangin cocain ton 1.4 dawn an man tih an sawi.

Ministry of Security and Citizen Protection chuan Chetumal airport-ah thlawhtheihna pakhat chu phalna nei loin a ṭum a, hei hi civil aeronautic authority in an report hnuah enfiah a ni tih a sawi. Thlawhtheihna chhungah hian Federal Police leh Mexican Army te bawm 43 aṭangin cocaine kg 1,396 an man tih an sawi. Thlawhtheihna an dap lai hian a thawktute hmuh tur an awm lo nia sawi a ni a, chhui chian mek a ni.