Brazil-a ruahsur nasa avangin mi 14 thi tawh

Brazil-a Rio de Janeiro state-ah ruahsur nasa avanga chhiatna thlengah mi 14 an thi tawh a, chin hriat lohin mi eng emaw an awm bawk.

Brazil president Jair Bolsonaro chuan sorkarin military aircraft hmangin chhanchhuah hna a thawk mek tih twitter kaltlangin a sawi.

Rio de Janeiro-ah hian ni hnih chhung ruah nasa takina sur a, hei hian leitawlhte a siam a ni. Tun ṭuma ruahsur hi Paraty khuain an tuar nasa ber a, leitawlhin kawngpui a hnawh a, chenna in ṭhenkhat pawh a hnawl bawk. Mesquita leh Angra dos Reis khuaah pawh chin hriat lohin mi 13 an awm mek a ni.

Angra official-te chuankar hmasa Zirtawpni khan an bial chhungah ruahtui millilitre 655 an dawn tawh thu leh, ruahtui an dawn hnem ber ṭum a la nih thu an sawi. Ruah hi a la sur chhunzawm dawn nia sawi a ni bawk.