Covid-19 vaccine vawi 87 a lak avangin German pa man

German pa pakhat chu Covid-19 vaccine dose vawi khat emaw vawi hnih emaw mai ni loa vawi 87 tehmeuh a lo lak avangin an man tih Freie Presse paper chuan a tarlang.

German pa hian vaccine la duh lo, anti-vaxxer te'n an aia la turin pawisa an pek ṭhin thu report chuan a tarlang. Kum 61-a upa hian Saxony leh state pathum aia tlem loah vaccine hi a lak thu a sawi.

Police officer-te chuan an mi man hi nikhatah vaccination centre pathumah a kal ziah ṭhin thu leh a hming leh pian kum a hmuh ṭhin a, mahse vaccine a lak dan chungchanga hriattur pawimawh awmna health insurance card erawh a keng ngai lo thung tih an sawi. Saxony state bikah hian coronavirus vaccine vawi 87 a la hman a ni.

Leipzig centre-a vaccine la tura a kal chu healthcare worker pakhatin lo hriain, police-te a hriattir hnuah an man ta a ni. Red Cross chuan vaccination passport dan loa hralh ruk ṭhin avangin a lakah thubuai an thehlut a, Saxony leh state danga thil thleng chungchang hi chhui chian mek a ni.