US-in Somalia-ah embassy hawng leh

US chuan kum 28 chhung Somalia rama a embassy a khar tawh chu a hawng leh ta.

Kum 1991 January thla khan US chuan Somalia rama helpawl leh sorkar inbeihna nasa tak thleng avangni Mogadishu-a a embassy chu a khar a, ambassador leh staff-te pawh thlawhtheihnain hruaichhuah nghal an ni.

Somalia ramah hian al-Shabah helte la awmin pawikhawihna la thlen fo mah se, ramchhung security chuan hma a sawn chho zel nia sawiin US state department chuan embassy hawn leh hi an tum ta tih a sawi.

Kum 2011 August thla khan Al-Shabah helte hi African Union sipaite kaihhruaia beihpui thlak a nih hnuin Somalia khawpui, Mogadishu aṭangin umchhuah an ni. Mahse helpawlte hi khawpui chheh velah an la che zui reng tho a ni.