UN-a US envoy atan Heather Nauert ruat dawn

US President Donald Trump chuan United Nations-a US ambassador thar atan state department thupuangtu Heather Nauert-i a ruat dawn a, tun kum tawpa bang tur Nikki Haley-i a thlak ang.

Nikki Haley-i hian October thla khan UN-a US ambassador a nihna aṭangin a ban tur thu hi a lo puang tawh a, kumtawpah a bang dawn a ni. Haley-i thlaktu tur, Nauert-i hi kum 48 mi niin, nikum April thla khan state department thupuangtu atan dah a ni a, hei hi sorkara hna pawimawh a chelhna hmasa ber a ni. Kumin March thla khan acting undersecretary for public diplomacy and public affairs pek belh leh a ni bawk.

President Trump-an US envoy atana Nauert-i a ruatna hi Senate in a pawm ve phawt a ngai dawn a ni.