MP-ten Rajapaksa hnen aṭangin sum beisei - Sri Lanka President

Sri Lanka President Maithripala Sirisena chuan Prime Minister atana a ruat Mahinda Rajapaksa-an Parliament-a majority fiahna a paltlang zawh lohna chhan chu MP-ten thamna sum an beisei ang zat a pek theih loh vang a ni, a ti.

November thla khan Rajapaksa hi House-ah fiah a ni a, fiahna paltlang tura member 113-te thlawpna hmuh ngai zat chu a hmu pha lo a ni.

President chuan MP ṭhenkhat hian Rajapaksa lak aṭang hian sum tam tham tak an beisei a, ṭhenkhat phei chuan cheng maktaduai 500 thlengte an phut niin a sawi. Mahse Mahinda Rajapaksa chuan heng sumte hi a pek theih loh avangin majority pawh a nei thei ta lo a ni, a ti.

Sirisena chuan an rama politics buaina thleng mek chu Parliament a ṭhiatna Supreme Court-in a hnawlsak ngsaihtuah ṭha leh tura petition lutte ngaihtuah a nih hunah a fel mai dawn niin a sawi.