Ethiopia-ah Car Free Day hmang

Ethiopia ramah Pathianni khan taksa hriselna chawikanna tur leh pollution tihtlemna tur kawng khat atan motor khalh chhuah loh ni, Car Free Day hman a ni.

Hemi ni hian khawpui hrang hrangah mi tam tak chu ke-a kalin exercise te an la a ni. An ram khawpui Addis Ababa-ah chuan kawngpui lian zualte khar a ni a, Health Minister Amir Aman hoin kawngpuiah mipui tam takin ke in an kal a, kawnga kalte leh exercise late hriselna endikna hmun turte kawngpuiah hian siam a ni.

Ethiopia ram, a bikin khawpuia chengte hian exercise lak hi an ngai pawimawh tawk lo hle nia sawi a ni a, hei vang hian minister Amir chuan mipuite nunphung hi thlak danglam sak tumin, thla tina Pathianni tawp ber chu Car Free Day-ah hman ziah a ni dawn a ni.