US Senate-in Supreme Court judge atan Ketanji Brown Jackson pawm

US president Joe Biden-a'n Supreme Court judge atana a nominate, judge Ketanji Brown Jackson chu US Senate chuan a pawm. Ketanji Brown Jackson hi US court sang bera justice 116-na tur leh, mihang hmeichhia zingah Supreme Court judge hmasa ber tur a ni.

Senate-a vote lakah Jackson hi vote 53-47 hmangin pawm a ni a, a thlawp lamah hian Democrats member zawng zawng bakah Republican member pathumin an thlak.

Senate Majority Leader Chuck Schumer, "Judge Jackson tan hun chhinchhiah tlak tak anih rualin America chu ram inlungrual tak kan nihzia chiang zawkin a lantir a ni," a ti.

Kum 51 mi, Jackson hi President Biden-a'n Supreme Court judge atan a nominate hmasa ber a ni a, kum 83 mi Justice Stephen Breyer a thlak dawn a ni. Supreme Court-ah hian hmeichhe jugde hi panga chiah an a la awm. Mipa zingah pawh mihang zingah judge hi pahnih chiah an la awm bawk.