Ukraine civil mite thlan ṭhahnem tak hmuchhuak : Official

Ukraine khawpui, Kyiv bula Buzova khuaah kar liamta Inrinni khan civil mi eng emaw zat phumna thlan hmuh chhuah thar leh a ni. He khua hi Russia sipaite kar eng emaw zat an awm hnuah an chhuahsan leh tawh a ni.

Buzova leh a chhehvel khua huamtu, Dmytrivka community-a an hotu Taras Didych chuan petrol station bula khur chhungah mithi ruangte hi an chhar thu leh thi zat hi chiang taka hriatchian an la nih loh thu a sawi.

Ukraine media-te chuan April thla tir khan Buzova chhehvelah hliam tuar leh mitthi ruang 30 bawr vel an chhar thu a sawi. Kyiv huamchhunga thingtlang leh khawpui tam zawk chu lak let an ni tawh a, Bucha khuaa thlan leh civil mite ruang ṭhahnem tak an hmuhchhuah a nih chuan Russia demna a tizual hle.

Inrinni liam ta khan Ukraine president Volodymyr Zelenskyy chuan an ram khawchhak lama Russia sipaite bei let turin inbuatsaihna ngawrh takin an kalpui thu a sawi. Ukraine official-te chuan an ram khawchhak lama awm te chu an chenna hmunte rang taka chhuahsan turin an lo ngen tawh a ni.