France President tur thlanna nei ṭan

France chuan Pathianni khan an ram President thar tur thlan thawh khatna an nei.

President thar thlannaah hian President ni lai Emmanuel Macron leh kum nga kaltaa a khingpui ngai, far-right hotu Marine Le Pen nen an inkhing leh dawn a ni.

Russia-in Ukraine a run boruak chuan President inthlan neih tur campaign hi a hliahkhuh hneh hle a, hei vang hian zirchiangtute chuan kum dang zawng aiin result rinlawk a harsat thu an sawi bawk a ni.

France rama time zone in an loh avangin, territory ṭhenkhatte chuan kar liamta Inrinni aṭang khan vote hi an thlak ṭan tawh a, thliarkar te takte Saint Pierre aṭang thlak ṭanin, Miquelon leh Caribbean territory chuan zawm lehin, French Pacific thliarkar te'n vote hi an thlak zui ve leh a ni.

Chhut lawk danin Macron chuan thawh khatnaah hian Le Pen lakah sang takin hma a hruai rin a ni a, April 24 hian vote thlak thawh hnihnaah erawh an inbei tawk hle dawn niin an sawi.

Far-left candidate Jean-Luc Melenchon chu pathumnaah awmin, inthlan thawh hnihna pawh a thlen theih thu leh Le Pen emaw President Macron emaw hial pawh hneh theih a inbeisei thu a sawi.

Inthlana a khingpui te'n an ram ṭhendarh tuma an puh, Le Pen chu campaign ṭha tak hmang zo in, an ram chu dinhmun ṭha zawka hlangkaia thil man sang zel chungchangah pawh hma lak a intiam bawk a ni.

Macron erawh chuan campaign a nei mumal lo hle a, Ukraine-a indona thleng mek vangin a duh angin inthlan atan hian a inpuahchah ṭha tawk thei lo a ni.