Online class chauh kal zirlaite US-a awm remti dawn lo

US chuan an rama ramdang mi zirlai awm, hripui leng vanga class pangngai kal loa online class chauha kalpui tawhte chu an awm chhunzawm zel a remti dawn lo tih a sawi. 

US immigration and custom enforcement chuan thuchhuah siamin, ram dang aṭanga zirlai kal, mahse online chauh hmanga class lak chhunzawm tawhte chuan US an chhuahsan a ngai dawn a, anih loh chuan class pangngai anga an kal theihna school dangah a insawn a ngai dawn tih a tarlang. 

ICE chuan online class chauh pekna school/programme-a ram dang mi zirlai kal tumte state department chuan visa a pechhuak tawh dawn lo a, US customs and border protection pawhin US luh a phalsak dawn lo bawk a ni, a ti.