Chinese mobile app khap chungchang ngaihtuah dawn

US secretary of state Mike Pompeo chuan Chinese social media apps khap chungchang an ngaihtuah dawn tih a sawi a, heng zingah hian Tiktok pawh a tel.

China aṭanga coronavirus a darh  chungchangah  US president Donald Trump leh official dangte chuan China hi hri leng chungchanga thup ṭhen neiah puhin na tak takin an lo sawisel tawh a, an inkar boruak pawh a ṭha lo chho hle a ni. 

India leh China sipaite ramria an intihbuai hnuah, India sorkar chuan Chinese mobile app 59 chu a lo khap tawh a, hemi hnu hian US expert-te pawhin Tiktok hi national security atana hlauthawnawm a ni thei a ni, tiin khap turin US sorkarin an lo nawr ve tawh bawk a ni.