NKorea-in US inbiakna neihpui tum lo

North Korea chuan US chu inbiakna neihpui a tum lo tih sawiin, South Korea chu an inkarah lo inrawlh lo turin a ti. Hetih lai hian US palai chuan NKorea nena inbiakna chhunzawm dan ngaihtuahin SKorea hi tlawh a tum a ni. 

NKorea foreign ministry-a US affairs director general, Kwon Jong Gun chuan thuchhuah an siam chu SKorea lamin dik lo taka tichhuakin, Kim Jong-un leh Donald Trump-ten summit an nei leh dawn angin an sawi a ni, a ti. 

SKorea president Moon Jae-in chuan NKorea leh US hi inbiakna chhunzawm leh tura a duh thu leh, a ṭul a nih chuan an inkarah palai hna thawh pawh a inhuam thu a lo sawi tawh a ni. Hemi hnu hian November thla hmain hruaitu pahnihte hi inhmu turin a rawt zui bawk. Mahse NKorea chuan summit neih leh a ṭulna hi an hre rih lo tih sawiin,  SKorea chu ramdang chungchangah inrawlh lo turin a ti a ni.