Putin-a'n US President atan Joe Biden a la pawm lo

 hruaitu chu tupawh ni se thawhpui tura a inpeih thu a sawi a, hemi rual hian US President thlan thar, Joe Biden-a hnehna chan erawh a la pawmpui thei rih lo tih a sawi. 

Putin chuan Pathiannia Russian state TV-in a kawmnaah hei hi sawiin, "America mipuiten an ram hruaitu atana an thlan chhuah tupawh chu  kan thawhpui thei vek a ni. Mahse dan ang thlapa inthlan result hi nemnghet a nih hnuah leh, eptu party lam pawhin an pawm hnuah chuan inthlana chak zawk chu kan pawm ve thei chauh ang," a ti. 

US President thlanna result kimchang hi puan la ni lo mah se, Democrats party presidential candidate Joe Biden chu chakah ngaih a ni tawh. Ram ṭhenkhat hruaitute chuan Biden hi lawmpuina pawh an hlan tawh a, mahse Russia erawh chuan a lawmpuina thu a la hrilh ve lo. President Putin chuan Biden lawmpuina an la hlan ve loh chhan hi thil dang vang ni loin an kalphung pangngai vang zawk a ni tih a sawi. Tun thlenga lawmpuina a la hlan ve loh avangin US-Russia inkar boruak a tihchhiat phah angem tih zawhna chuan, "Engmah chhe tur a awm lo, a chhe sa tawh a ni," a ti.