Pakistan PM thar atan Shehbaz Sharif thlang

Pakistan prime minister aṭanga Imran Khan paihthlak a nih hnuah, nimin khan prime minister thar atan chuhtu awm loin Shehbaz Sharif thlan a ni.

Kum 70 mi, Shehbaz Sharif hi PML-N hruaitu leh prime minister hlui Nawaz Sharif-a unaupa a ni.

Prime minister thar thlannaah hian Imran Khan-a party, Pakistan Tehreek-e-Insaf (PTI) chuan candidate atan Shah Mahmood Qureshi a ruat a, mahse nimina National Assembly-a PM thlan dawnah PTI hian boycott-in House aṭangin an chhuak vek a, a hnuah PTI MP-te chu an bang vek tih information ministe rhlui Fawad Chaudhry chuan a puang zui a ni.

PTI-in lungawi lohna lantir dawn
Pakistan rama rorelna sang ber, National Assembly (NA)-ah no-confidence vote hmanga prime minister aṭanga Imran Khan kaihhruai sorkar paihthlak a nih avangin a party, Pakistan Tehreek-e-Insaf (PTI) chuan naktuk hian ram pumah lungawi lohna lantir an tum.

PTI chuan PM paihthlak a nih avang hian an ram chu Pakistan Muslim League-N president Shehbaz Sharif thuhnuaiah a tlu lut leh ta tih an sawi. Pathianni khan PTI ṭantute chuan United Arab Emirates-a Dubai khawpuiah PM Imran Khan an paihthlak avangin lungawi lohna an lantir ve bawk a ni.