Huawei CFO Meng Wanzhou-i bail-in chhuah tir

Canada court chuan US thupek anga Vancouver-a man, Huawei Technologies Co. Chief Financial Officer Meng Wanzhou-i chu bail-a chhuah a phalsak a, US-a thawn anih hma chu Vancouver-a a awm chhunzawm zel a phalsak bawk.

US chuan Huawei company hi sumdawnna lama Iran a hrekna palzutah a puh a, hei vang hian Canada hnenah Meng-i man turin a ti a ni. December 1 khan Vancouver-ah man a ni a, US-a thawn tum a ni.

China chuan Meng-i man anih chungchang hi na takin a sawisel a, chhuah turin a lo phut tawh bawk. Thawhlehni khan Meng-a chhuah tura phutna atan hian China-ah Canada diplomat hlui chu hren a ni.

Bail-a chhuah phalsak a nih tak avangin Meng-i hian Vancouver-ah a in pakhat aṭangin US-a thawn a nih tur chungchang ngaihtuah chhung hian a lo nghak dawn a ni. A inah venhim hna thawk turin private security firm dah a ni a, electronic tracker dah a nih tel bakah, a awm dana mawhphurhna la turin Vancouver-a cheng mi eng emaw zat dah an ni bawk.