Thailand inthlanpui neih hun tur puang

Thailand Election Com-mission chuan an ram inthlanpui neih hun atan nakkum February 24 a ruat.

Inthlan neih hun tur puan a nih tak avangin sipai sorkar pawhin political campaign neih khapna thupek a lo siam tawh chu a hlip nghal a ni.

Kum 2014-a sorkar laka lungawi lohna lantira hun eng emaw chen nawrh huaihawt a nih hnuah sipai lamin thuneihna an chang a, hemi hnu hian ram chhungah dan leh thupek kenkawh a nih theihna turin political campaign neih a khap chhunzawm a ni. September thla khan he khapna hi thlahdul deuhin, political party te intelkhawm a remtisak a ni.

Nimin khan Deputy Election Commision Secretary-General Nat Laosisawakul chuan nakkum February 24-ah inthlan neih a nih tur thu hi a puang a, political party hrang hrangte pawh an policy te sawia campaign phalsak an nih thu a sawi.