Putin hian Ukraine mite nuai chimit vek a tum : Biden

US president Joe Biden chuan Thawhlehni khan Russia chu Ukraine mipui ṭhahnem takte chu tum reng vanga that leh Ukraine mite nuai chimit vek tumah a puh.

Iowa-a thu a sawiah Biden chuan, Russia-in Ukraine mipuite suata a lo puh tawhna chu thudik tak a nih thu a sawi. "Ukraine chunga Russia chetdan rapthlak tak takte finfiahna tam zawk chu a rawn langchhuak zel a, chhiatna an thlente zau zawkin kan hrefiah zel dawn a ni. Ukraine mipuite nuai chimit vek a tum em tih chu lawyer-te kutah a innghat dawn a ni," a ti.

Ukraine president Volodymyr Zelenskyy chuan President Biden thusawi hi fakin, US-in a puih tawhna zawng zawngah lawmthu a sawi a, hemi rual hian Russia-in an ram nuai chimit tuma a beihna do let turin ralthuam lian tham an la mamawh belh thu a sawi nghal bawk.