Sri Lanka PM aṭanga banin Par-liament-ah thlawptu ngah tawk

Sri Lanka Prime Minister aṭanga bang, Ranil Wickremesinghe rin-tawkna motion chu Nilaini khan Parliament-ah putluh a ni a, member 225 zingah 117 in thlawpin fiahna hi a paltlang a ni.

Parliament-a vote lak hi PM nilai Mahinda Rajas-paka leh amah thlawptute chuan an boycott thung a, Speaker Karu Jayasuriya chu Wickremesinghe leh a party, United National Party (UNP) duhsakna hleihluak taka lantirah an puh a ni.

Vote lak zawh hnuah Wickremesinghe chuan amah thlawptu Parliament member-te chungah lawmthu sawiin, an ramah democracy humhim tura a beih zel tur thua sawi.

Rajapaksa thlawptu lam chuan Nilaini-a Par-liament-a vote lak hi pawm tlak a ni lo tiin an sawi thung a, Mahinda Rajapaksa chu prime minister atana ruat a ni a, a kaihhruai sorkar a ding mek a ni, an ti. Court of Appeal chuan sorkar ṭhiat loin, sorkar chu hna thawk thei loin a hrek mai a ni tih sawiin, Rajapaksa kaihhruai sorkar chu ala ding reng a ni, an ti.

Speaker Karu Jaya-suriya chuan confidence vote lak chungchang hi President Maithripala Sirisena hnenah a hriattir tawh bawk.