British PM-in fiahna paltlang

British Prime Minister Theresa May-i chuan party hruaitu atana fiahna chu hneh takin a paltlang.

Nilaini-a secret vote hmanga hmanga vote laknaah, May-i hi Parliament-a Conservative member 317 zinga 200 chuan party hruaitu atana an la duh a ni. Vote lak buaipuitu, 1922 Committee hotu Graham Brady chuan result hi puangin, parliamentary party chuan an hruaitu atan Theresa May-i chu an la ringtawk tih a sawi a ni.

Tory MP 49-ten ziaka party hruaitu atana May-i an rintawk tawh loh thu leh, fiah an phut avangin vote hi lak a ni. May-i hian fiahna paltlang tur hian vote 159 a hmuh phak a ngai a ni. Hneh taka fiahna a paltlang theih tak avangin kum khat chhung chu party hruaitu a nihna chungchanga hi khin let theih a ni tawh rih lo ang.

Vote laknaah hian Tory MP 317 te hian vote an thlak vek a, secret ballot-a thlakin darkar hnih zet hun hman a ni. Nilainia party hruaitu fiahna neih hi kum sawmli dawna a thleng ṭum khatna a ni bawk.

PM May-i chuan vote lak hma hian MP-te chu thlawp turin a ngen a, kum 2022 inthlan neihah chuan party hruaitu nih chhunzawm zel a tum tawh loh thu a sawi a, mahse Brexit deal a kalpui mek chu tipuitlin a nih theihna turin party hruaitu la nih chhunzawm rih chu a tan a pawimawh thu a sawi a ni.