Pakistan PM farnu Rs vbch 2,940 chawi turin ti

Pakistan Prime Minister Imran Khan-a farnu, Aleema Khanum chu foreign assets case-ah chhiah leh a chawi tur cheng vaibelchhe 2,940 chu kar khat chhung ngeia pe turin Supreme Court-in a hriattir.

Judge pathum awmna Supreme Court bench chuan an ram mi, UAE-a property neite chungchang Ningani khan a ngaihtuah a ni. Federal Board of Revenue (FBR) chuan court hnenah hian Khanum hi UAE-ah property a lo nei tih hriatchhuah a ni tih sawiin, a chhiah pek tur leh a sum chawi ngaite hi a vaiin cheng vaiblechhe 2,940 anih thu a sawi.

Court-ah hian Khanum-i pawh a ukil nen an inlan a, a property chuan kum 2008-ah US dollar 370,000-a a lei a nih thu leh, kum 2017-ah a hralh leh tawh thu a sawi. Khanum-i chuan a property leina 50% chu loan a lak aṭanga a pek a nih thu a sawi bawk. FBR hnenah hian a property a hralh thu pawh a hrilh tawh tih a sawi a ni.