Ireland-in nau tihtlak phalna bill pass

Ireland Parliament chuan nau tihtlak phalna bill a pass ta.

Hun eng emaw chen sawiho a nih hnuah Parliament in hnih, Dal leh Seanad chuan Regu-lation of Termination of Pregnancy Bill an pass thei ta a, President Michael D Higgins hnenah thawn niin a pawmpui hnuah law-ah chantir a ni ang.

Parliament-ah he bill sawiho a nih chhung hian bill siamṭhatna 350 chuang zet pharh a ni hman.

Bill pawm tak hnuaiah nu naupai thla 12-a upa an nih thleng an tihtlak phalsak an ni ang. Mahse nau tihtlak phalsak pawh hi an naupai dinhmun a ṭhat loh vang leh, a paitu nu taksa leh rilru lam chu dinhmun hlauhawma a chauhin phalsak an ni ang.