Kum tawp hmain Covid-19 vaccine peih fel hman tum

World Health Organisation (WHO) chief scientist, Dr Soumya Swaminathan chuan kumin kum tawp hmain Covid-19 vaccine peih fel hman beisei a nih thu leh, damdawi hmuhchhuah kawngah hian theihtawp chhuah mek zel a nih thu a sawi bawk.

Dr Swaminathan chuan clinical trial hrang hrangah anti-malarial drug, hydroxychloroquine enchhinna an neih kual tawh thu sawiin, he damdawi hian Covid-19 kaite thihna a tihtlem phah lo a ni, a ti. Covid-19 damdawi siam chhuahna kawngah hian candidate 10 an awm a, heng zinga candidate pathum chuan damdawi siam chhuahna kawnga phase three an paltlang tawh a ni.

Kumin kum tawp lam hian vaccine hmuhchhuahna kawnga beitu zinga pahnih emaw chuan  Covid-19 damdawi hi an hmuhchhuah hman a rin thu Dr Swaminathan chuan a sawi.