Maldives police-ten president hlui thu zawtfiah

Maldives police-te chuan an ram president hlui Abdulla Yameen chu kar kalta Inrinni khan thu an zawtfiah.

Abdulla Yameen hi September thlaa president thlanna neihah khan a chak zo lo a ni. Inthlan hmaa a private account-a dollar maktaduai 1.5 deposit a nih chungchangah investigator-te hian thu an zawtfiah a ni. Kum 59 mi, Yameen chuan pawisa inthawn kual danah dik lo a awm lo a, dan pangngai ang taka tih a nih thu sawiin, ruihhlo tawlhna leh dik lo taka sum inpekkualnaah a in hnamhnawih loh thu a sawi.

Hetihlai hian investi-gator-te chuan Yameen-a a account-a sum ṭhahnem tak dahluh a nih dan hian an ram election law a palzut niin a sawi a, inthlan ami tur bik atan hian candidate te chuan account hran siamin, campaign-na tur sum an hmuhte chu an puanzar zel a ngai a ni, a ti. He thubuai kaihhnawihah hian court chuan President hlui private account-te pawh khawih chet theih loh turin an hreksak tawh bawk.