Saudi Arabia-in Tunisia ram ṭanpuina pe dawn

Saudi Arabia chuan Tunisia ram ṭanpuina atan dollar maktaduai 830 pek a tiam.

Tunisia Prime Minister Youssef Chahed chuan Saudi Arabia ram a tlawh ṭumin ṭanpuina pek an lo tiam thu hi a sawi a ni. PM chuan budget ṭanpuina turin dollar maktaduai 500, foreign trade atan dollar mtd 230 leh project ṭanpuina atan dollar maktaduai 100 pek an ni dawn tih a sawi.

Tunisia mipuite chuan thla hmasaa Saudi Arabia Crown Prince Mohammed bin Salman (MBS)-an an ram a tlawh ṭum khan, Turkey-a Saudi journalist Jamal Khashoggi thah a nih chungchangah mawhphurtua puhin Saudi lal fapa lakah hian lungawi lohna an lo lantir a ni. An ram khawpui Tunisia-ah nawrh huaihawtin MBS chu an ram lak aṭanga inthiarfihlim turin an ti a, Yemen tualchhung indona thlenga Saudia Arabia inrawlh dan an dem thute an sawi a ni. Hetichung hian Saudi Crown Prince chuan Tunisia President Beji Caid Essebsi hmuin, Tunisia ram chu economy, finance, investment, security leh military lamah thawhdunna ṭha zawk a siampui a ni.