President Trump-an interim Chief of Staff tur ruat

US President Donald Trump chuan interim White House chief of staff turin a budget director Mick Mulvany a ruat.

President Trump chuan a twitter-ah hemi chungchang hi puangin, Director of the Office of Management & Budget nilai Mick Mulvaney chu Acting White House Chief of Staff atan a ruat thu leh, kumtharah General John Kelly a thlak tur thu a sawi a ni. Kelly hian tun thla tawpah a hna hi a chawlhsan dawn a ni.

White House Chief of Staff atana ruat tum eng emaw zatin an lo hnar nia report ṭhenkhat awm chu White House chuan a pha a, President Trump chuan he hna pawimawh tak chelh tur hian candidate eng emaw zat a zirchiang zawk a ni, a ti.

Trump chuan Chief of Staff thar tur Mick Mulvaney chu hna thawk ṭha tak a nih thu sawiin, America ram ropuia siam chhunzawm zel tura an hmalaknaah a thawhpui chak tawh hle tih a sawi. A thlak tur John Kelly pawh chu ram hmangaihtu dik tak a ni tih sawiin, ram tana a inpekna te avangin a mimal tak pawha lawmthu hrilh a duh thu a sawi bawk.