Israel PM fapa FB block sak

Israel Prime Minister Benjamin Netanyahu-a fapa, Yair Netanyahu-a Facebook account chu Muslim huatna lam thu a post nia report a nih avangin Pathianni khan darkar 24 chhung block sak a ni.

Yair-a hian kar kaltaa West Bank-a Israel Defense Forces (IDF) sipai pahnih kahhlumte phuba chu laksak a ṭul thu a sawi a, hemi hnu hian a account hi block sak a ni. Yari chuan hemi chungchang hi a Twitter-ah tarlangin, sipaite thah an nih a sawisel avang ringawta a FB account block a ni chu mak a tih thu a sawi. A FB-a a thu post screenshot pawh a dah lang tel a, hetah hian "Firfiakte pawikhawihna thlen ve lohna hmun in hria em? Iceland leh Japan-ah. Mak takin heng hmunah hian Muslim an awm lo a ni" tiin a ziak a ni. Hemi chungchang hi Facebook lam chuan an la sawifiah lo.